رمضان السنة دى ...........مش جاى
بجد مش عارفة أكتب إيه ؟ولا حتى أبتدى منين ,بكتب ببطء شديد بطىء يعبرعن حالة الملل والحزن والخوف والحسرةو
الألم إللى جوايا, المرة دى بجد بكتب بدموعى وده ببساطة لأن بابا واحشنى أوى اوى
واحشنى وهو بيضحك معانا , واحشنى وهو بيناقشنى فى آراؤه وأفكارى, واحشنى وهو زعلان منى واحشنى إنى أصالحه وده كله وهو معانا فى البيت.........بابا واحشنى أوى وبالأخص فى رمضان أنا هفتقده جد ؟
طب مين إللى هيصحينا نتسحر ؟!! بابا كان بيعمل كده كان يصحى ويحضر بعض السحور ويصحى ماما تكمل الباقى وبعد كده يصحى البيت كله وهو بس إللى كانبيقدر عليا عشان أنا صحيانى صعب شوية
بابا أنا عاوزاك بجد جنبى
مين إللى هنتجمع عشانه ع الفطار ,مين إللى هيقعد معانا بعد الفجر ويفسر لنا بعض آيات القرآن الكريم , مين إللى هيسابقنا فى قراءة القرآن الكريم ,مين إللى هيؤمنا فى صلاة الفجر ومين إللى هنأمن على دوعاؤه؟
مين إللى هيحيى البيت فى رمضان!!!!!
مش متخيلة إزاى هفطر أول يوم فى رمضان من غير بابا, حد يقولى ليه يحرمونى من أبويا إللى هو كل حياتى
مش عارفة أوصف إزاى رمضان مع بابا ورمضان من غير بابا ببساطة رمضان مع بابا رمضان بجد ورمضان من غير بابامش هيجى!!! ,
ليست هناك تعليقات:
إرسال تعليق