الحرية للدكتور أمير بسام

النهاردة كان أول يوم ليا فى الجامعة وأنا فى الطريق ليها كنت عمالة بفتكر لما كنت قاعدة مع بابا فى مرة وكنا بنتكلم عن موضوع الجامعة ده وفاكرة إن أنا يومها قلت لبابا أول يوم ده لازم يا بابا هتوصلن فيه ودخلنى كما ن وتقعدنى فى المدرج بتاعى(على أساس إنه ديسك بالحجز) وكمان تعرفنى على العميدة لأن بابا يعرفها شخصيا (حلو الواحد يبقى مسنود من أولها والحمد الله ربنا رزقنى بسندة مفيش أحلى منها ...طرة) المهم طول الطريق وأنا بفتكلر فى الذكريات دى وأصلا أنا موضوع الكلية دى مأزم معايا

هحكيلكوا الحكاية من أولها.....أنا فى أيام الإمتحانات عادة بكون متوترة وكان بابا هو إللى بيهدينى وهو بيوصلنى الصبح وبما أن بابا فى أيام الإمتحانات بتاعتى كان بيقضى الويك إند فى طرة فمكنش بيوصلنى وده إحساس فى حد ذاته كان بيضايقنى لأنى كنت فى الأيام دى بجد محتاجة بابا جنبى لكن الحمدلله عدت على خير

وبعدين جه يوم النتيجة وكان يوم صعب جدا بس برضه عدى على خير

لكن أكتر يوم بجد كان نفسى بابا يكون موجود فى البيت ساعتها لحظة مايسرا إتصلت بيا وقالتلى إن أنا جالى إعلام وإن أنا كمان معدياها بدرجات كتير وكانت الساعة ساعتها حوالى 2باليل كان نفسى أوى ساعتها أخبط على بابا وأصحيه من النوم وأقوله إن أنا جتلى الكلية إللى أنا كنت بحلم بيها (لأن موضوع الكلية ده كان حلم مشترك بينى وبين بابا) كان نفسى إنى فى نفس الوقت إللى فرحت فيه بابا يفرح معايا ورحت أنام وأنا جوايا أحاسيس متناقضة ...فرحانة ......و................ زعلانة وإتحسبنت على هؤلاء الناس إللى حرمونا إننا نفرح فرحة كاملة قولوا ا معايا ................................................................................................... حسبنا الله ونعم الوكيل